اسلامی تعلیمات کی روشنی میں ازواجی تعلقات کے اہم اصول
4 JANUARY 2026 • Sunday | يوم الأحد
شوہر کے ذمہ بیوی سے متعلقہ آداب
اسلامی تعلیمات کی روشنی میں ازواجی تعلقات کے اہم اصول
✍️
تحریر
متکلم اسلام حضرت مولانا محمد الیاس گھمن حفظہ ﷲ
اسلام نے ازواجی زندگی کو محبت، رحمت اور باہمی احترام کی بنیاد پر استوار کیا ہے۔ شوہر کے ذمہ بیوی کے حقوق اور آداب کو سمجھنا ہر مسلمان کے لیے ضروری ہے۔
۱بیوی سے پیار محبت اور نرمی سے بات کریں۔
۲گھر کے کام کاج میں بیوی کا ہاتھ بٹائیں۔
۳بیوی کی غلطی پر اسے تنبیہ کریں لیکن تنبیہ کرتے ہوئے اس کی عزت نفس کو مجروح کرنا مقصود نہ ہو بلکہ مقصود اس کی اصلاح ہو۔
۴اگر ایک سے زائد بیویاں ہوں تو ان میں عدل وانصاف قائم رکھیں۔
۵بیوی کے لیے خود کو آراستہ کریں۔ اس کے سامنے اچھے لباس، خوشبو کا اہتمام کیا کریں۔
۶اپنی حیثیت کے مطابق بیوی پر اعتدال سے خرچ کریں۔
۷بیوی کی دینی تعلیم و تربیت کا خاص خیال رکھیں۔
۸نماز روزہ کی پابندی کرنے کا حکم دیں اور اس پر عمل بھی کروائیں۔
۹اگر کسی معاملہ میں بیوی کی جانب سے ناروا سلوک پیش آئے تو شوہر درج ذیل تین اقدامات کرے:
ا
پہلا اقدام
بیوی کو نرمی، محبت اور ہمدردی سے سمجھائے، شوہر کی اطاعت پر جو اجر و ثواب کے وعدے ہیں وہ بتائے اور نافرمانی پر جو وعید میں ہیں وہ سنائے۔
ب
دوسرا اقدام
اگر اس کوشش سے معاملہ سدھر جائے تو بہت خوب ورنہ اپنا بستر اس سے علیحدہ کر لے۔ ممکن ہے کہ یہ ظاہری دوری تعلق کے پختہ ہونے کا سبب بن جائے اور عورت اپنی اصلاح کرلے۔ لیکن یہ ترک صرف بستر کی حد تک ہو مکان کی جدائی نہ ہو۔ عورت کو مکان میں تنہا نہ چھوڑے۔
ج
تیسرا اقدام
اگر عورت اس شریفانہ سزا و تنبیہ سے متاثر ہو کر اپنی اصلاح کرلے تو بہت اچھا ورنہ خاوند کو اجازت ہے کہ بیوی کو معمولی طور پر سزا دے جس سے اس کے بدن پر نشان نہ پڑے اور زخم وغیرہ نہ آئے۔ چہرے پر ہر گز نہ مارے۔ البتہ اسلامی تعلیمات یہ بتاتی ہیں کہ اچھے مرد اس اقدام سے گریز کرتے ہیں۔
📌
اہم تنبیہ
٭ رسول ﷲ صلی ﷲ علیہ وسلم نے کبھی کسی زوجہ محترمہ پر ہاتھ نہیں اٹھایا۔
✨ ان آداب کے فوائد
1گھریلو زندگی میں امن و سکون قائم ہوتا ہے
2باہمی محبت اور اعتماد میں اضافہ ہوتا ہے
3دینی تعلیمات پر عمل سے آخرت میں اجر ملے گا
4معاشرے میں اسلامی اقدار کی نمائندگی ہوتی ہے
اسلامی ازواجی زندگی کی بنیاد
The Foundation of Islamic Marital Life
محبت، رحمت اور باہمی احترام پر استوار
اچھے اخلاق اور اسلامی آداب گھریلو زندگی کو جنت کا نمونہ بناتے ہیں
