📚 میانہ لائبریری - اصول فقہ و اجتہاد
📖 اجتہاد (دو کتابوں کا مجموعہ)
📸 سرورق پر کلک کریں بڑا دیکھنے کے لیے
📖 تعارف کتاب
محترم مولانا محمد تقی امینی صاحب کی یہ فکر انگیز کتاب دراصل ان کی دو تصانیف "اجتہاد کا تاریخی پس منظر" اور "مسئلہ اجتہاد پر تحقیقی نظر" کا مجموعہ ہے۔ چونکہ ان دونوں تصانیف کا موضوع اجتہاد اور اس کے اصول و قواعد سے تعلق رکھتا تھا، لہذا ہم نے مناسب سمجھا کہ مصنف کی اجازت سے ان دونوں کو یکجا کر کے شائع کیا جائے، اور اس کا عنوان "اجتہاد" رکھا جائے۔ مولانا امینی صاحب نے اس تجویز سے اتفاق کیا اور اب یہ دونوں تصانیف یکجا صورت میں قارئین کی خدمت میں پیش کی جا رہی ہیں۔
ایک اور قابل ذکر بات یہ ہے کہ اگر چہ "مسئلہ اجتہاد پر تحقیقی نظر" پہلے لکھی گئی اور "اجتہاد کا تاریخی پس منظر" بعد کی تصنیف ہے، لیکن ہم نے ان کی زمانی ترتیب کو نظر انداز کر کے موجودہ ترتیب میں پیش کیا ہے۔ جس کی وجہ یہ ہے کہ فطری طور پر مسئلہ اجتہاد پر غور و فکر کرنے والے کو پہلے اس کے تاریخی پس منظر کا مطالعہ کرنے سے دلچسپی ہوگی تاکہ وہ اس کے اصول و قواعد جاننے سے قبل اپنے اسلاف اور مجتہدین کرام کی ان کوششوں سے واقف ہو سکے۔
یہ دونوں کتابیں اس سے قبل علیگڑھ اور اجمیر سے شائع ہوئی تھیں۔ اس نظر ثانی شدہ ایڈیشن کو ہم نے کتابت و طباعت کے اعلیٰ معیار کے ساتھ پیش کرنے کی کوشش کی ہے۔
— معراج محمد، قدیمی کتب خانہ، کراچی
📚 مزید متعلقہ کتب
📚 میانہ لائبریری - علمی و تحقیقی مواد کا آن لائن ذخیرہ | ابن یوسف بلاگ
